XX. mendeko Euskararen Corpus estatistikoa

Testuingurua

Mortimer buruz behera jaitsi zen tximiniatik, zarata handia eginez eta estufa barruan lurrartu zuen (oso harriturik, ez bait zuen espero honelakorik) kilo bat errauts eta eskukada bat gedarrekin, baina izeba Brendaren tximinian baino askoz gutxiagorekin, tximinia hau sarriago garbitzen bait zuten.

Ikaragarrizko zarata egin zuen estufa barruan.

Zenbait gaixo esnatu egin ziren Santa Claus zelakoan.

Bridget erizaina korrika bertaratu zen.

Mortimer atea ireki nahi ahaleginetan zebilen, baina ezin zuen.

Mikazko leihatilan sartu zuen burua eta haserre sutan begiratu zion Bridget erizainari bertara hurbildu zenean.

- Hau al da zure belea?- galdetu zion Bridget erizainak Jones andreari.

Ai ene, noski bera dela; baina nola sartu ote da horra barrura lotsagabe hori.

Baina, mesedez, Bridget erizaina, atera ezazu agudo!.

Oso kezkaturik nauka Arabelek, ezerk ez diola axola dirudi.